Մեր սկզբունքները

​

Մեր աշխատանոցները նախատեսուած են հայախօս մանուկներու եւ պատանիներու համար՝ մանկապարտէզէն մինչեւ երկրորդականի աւարտը: Մկնիկի մէջ հաղորդակցութեան  լեզուն հայերէնն է։ Հայերէն լեզուի ուսուցումը սակայն ինքնանպատակ չէ, լեզուն աշխարհաճանաչողութեան միջոց է: Մեր նպատակն է երեխային համար ստեղծել բնական ընկերական միջավայր, որպէսզի լեզուի գործածութիւնը դառնայ անմիջական եւ ինքնաբուխ՝ որպէս զգացումներու, մտածողութեան եւ ստեղծագործութեան լեզու: Մշակութային ծրագիրը, հաւաքոյթները եւ ճամբորդութիւնը կը կատարուին ըստ հայ աւանդական տօնացոյցին, իսկ տօնախմբութիւններն ու հանդէսները կրթամշակութային աշխատանքներուն շարունակութիւնն են։